Reshjet e shiut bllokojne ujembledhesat

Uji pastaj kalon ne rruge dhe trotuare, permbytje ne disa pjese te qytetit

Problemet me trafikun në Prishtinë

Problemet me trafikun janë të mëdha. Tollovi në rrugët kryesore që krijojnë vonesa, ndotje të ambientit dhe nervozë te qytetarët. Sidomos hyrje-daljet e qytetit janë mjerim. Udhëheqja komunale nuk ka plan për rregullim, as që merret me këtë. Ai kandidat për kryetar që propozon zgjidhje reale e jo premtime koti merr votat!

Qente endacak

Problemi me qente endacak ne Prishtine eshte serioz dhe kerkon zgjidhje urgjente. Ka pasur raste te rrezikshme per qytetaret, sidomos femijet, por ne te njejten kohe edhe vete qente kane nevoje per kujdes dhe trajtim te duhur. Komuna duhet te veproje me zgjidhje qe garantojne sigurine publike dhe mireqenien e kafsheve!

Pengesat në pronat e paluajtshme përkatësisht mungesa e fletave poseduese

Numri i lartë i banesave pa fletë poseduese në qytetin e Prishtinës e pengon pronarët që të kenë siguri juridike mbi pronën e tyre, duke iu pamundësuar regjistrimin zyrtar të banesave, përfitimin nga kreditë bankare, shitjen ligjore të pronës dhe qasjen në shërbime të tjera që kërkojnë dokumentacion të rregullt pronësor.

Mungesa e aksesibilitetit për personat me nevoja të veçanta

Mungesa e ashensorëve dhe rampave në objektet shumëkatëshe në Prishtinë ua pamundëson personave me nevoja të veçanta hyrjen dhe lëvizjen e lirë, duke kufizuar qasjen e tyre në shërbime bazë, edukim, shëndetësi dhe argëtim, si dhe duke i privuar nga integrimi i plotë në jetën e përditshme të qytetit.

Mungesa e ashensorëve apo jo-qëndrueshmëria e tyre

Mungesa e ashensorëve në ndërtesa shumëkatëshe e pengon aksesin për persona me nevoja të veçanta, ndërkohë që buxheti i komunës është një pengesë për përmirësime më të mëdha infrastrukturore.

Problemet me mbeturinat

Problemet me menaxhimin e mbeturinave dhe pastrimin janë të pranishme në disa lagje, ku grumbullimi i mbeturinave shpesh nuk bëhet në kohë dhe krijon kushte jo higjienike.

Infrastruktura & zhvillimi i pakontrolluar

Infrastrukturë e pakët dhe zhvillim i pakontrolluar urban sjell mungesë të parkingjeve, mungesë fushash sportive dhe hapësirash rekreative për banorët, si dhe mungesë të ndriçimit publik në disa lagje, duke ndikuar negativisht në cilësinë e jetës.

Mungesa e ujit të pijes

Mungesa e ujit të pijshëm dhe reduktimet e shpeshta të furnizimit me ujë bëjnë që shumë familje të përballen me vështirësi, veçanërisht me ndërtimet e reja që rrisin presionin mbi infrastrukturën ekzistuese.

Ndotja e ajrit

Ndotja e ajrit është një nga problemet më shqetësuese, për shkak të termocentraleve të vjetra që përdorin qymyr, ekonomive familjare dhe numrit të madh të automjeteve dizel në qendër të qytetit, duke rritur ndotjen dhe rrezikun për shëndetin publik.

Problemi i trafikut

Problemi i trafikut në Prishtinë është një sfidë e madhe që ndikon në jetën e përditshme të qytetarëve. Trafiku urban dhe ndërurban është i stërngarkuar, veçanërisht në orët e mëngjesit dhe pasdites, ku format e bllokimeve dhe kolonave të gjata janë të zakonshme. Një nga arsyet kryesore përkeqësuese është edhe qarkullimi i makinerive të rënda të ndërtimit gjatë periudhave të ngarkuara të trafikut, që kërkohet të kufizohen nga ora 7:00-10:00 dhe 15:00-18:00 gjatë ditëve të punës.

Mungesa e hapësirave të gjelbra

Prishtina ka një zhvillim të shpejtë urban që ka sjellë shumë probleme, duke përfshirë mungesën dhe keqpërdorimin e hapësirave të gjelbra. Ndërtimet e vrullshme shpeshherë pa planifikim adekuat kanë ngulfatur hapësirat publike dhe ato të dedikuara për gjelbrim. Megjithatë, nga paslufta është punuar për projekte rritjeje të hapësirave, por janë ende të pamjaftueshme për nevojat e qytetarëve. Sipas një hulumtimi të realizuar nga UN-Habitat dhe Instituti Atlas, Prishtina ka tre herë më pak hapësira të gjelbra se standarti i Organizatës Botërore të Shëndetësisë. Lagjet e mëdha, si Lakrishta, nuk kanë pothuajse fare zona rekreative apo të gjelbra. Mungesa e inspektimeve dhe lejet për ndërtim pa respektuar standardet po e keqësojnë situatën. Një shqetësim tjetër është shpërndarja jo e barabartë e hapësirave të gjelbra nëpër qytet. Disa lagje lindore të Prishtinës si Mati, Lagjja e Spitalit dhe Veterniku kanë mungesë të plotë të hapësirave publike të gjelbra dhe parqeve të vogla. Banorët e këtyre zonave janë të detyruar të shkojnë në hapësira të largëta për argëtim dhe relaksim. Mungesa e hapësirave të gjelbra ka pasoja serioze për cilësinë e ajrit dhe ujit për banorët. Ndërkohë, Prishtina posedon disa hapësira kryesore si Parku i Gërmisë, Parku i Qytetit, Parku i Arbërisë dhe disa parqe në lagjen Dardania, por këto nuk janë të mjaftueshme dhe shpesh nuk janë mirë të mirëmbajtura për shkak të kapaciteteve të limituara për ujitje dhe mirëmbajtje. Autoritetet komunale e pranojnë këtë mungesë dhe thonë se janë duke punuar për përmirësimin e situatës, duke pasur në fokus rritjen dhe mbrojtjen e hapësirave të gjelbra. Këto të dhëna përfaqësojnë një panoramë të sfidave kryesore të mungesës, shpërndarjes së pabarabartë dhe mirëmbajtjes së hapësirave të gjelbra në Prishtinë dhe ndikimin e kësaj mungese te cilësia e jetës së qytetarëve.

Problemet me ujin e pijes

Një pjesë e madhe e qytetit furnizohet me ujë nga liqeni i Badovcit, i cili është burimi kryesor për nevojat bazike të banorëve. Megjithatë, ky ujë nuk është i pijshëm për shkak të niveleve të larta të substancave si mangani. Do të ishte shumë e rëndësishme të gjendej një zgjidhje afatgjatë për filtrimin e ujit, në mënyrë që ai të bëhet i sigurt dhe i besueshëm për konsum.

Perdorimi i qymyrit per nxemje

Ndalimi i perdorimit te qymyrit si lende djegese ne qytet duhet te ndalohet rrebtësisht dhe te ndeshkohet me ligj. Ndotja e ajrit eshte vazhdimisht ne nivel te rrezikshem kur temperaturat jane te ulta.

Mungesa e trotuareve

Shumica e rrugeve jane te ngushta, rrethojat e shtepive arrijne deri te rruget dhe nuk ekziston hapesira per krijim te trotuareve. Aty ku ka trotuare, ballafaqohemi me makina te parkuara.

Mungesa e ndriçimit në Gërmi

Do të ishte shumë mirë që në disa shtigjet e vrapimit në Gërmi të kishte ndriçim.